Racisme

castetarbés le 02/06/2009
Un islam que considera que eths crestians e son "associators" e eths judius e "son moninas e pòrcs" , ua religion que condemna eths omosexuaus ara mort (eth "peccat de Loth" com ac escrívan dens eth Coran e eths Hadiths)tan com eths atèus, agnostics, restriccions deth estatut dera hèmna, enonciats escriuts dens eths textes de referéncia d'aquesta religion que son nat hèit tà rassegurar, qu'ac dísi, sustot que lo terme d'"islamofòbia" qu'èi estat metut en escèna dens los escriuts de l'ajatollah Khomeini entà trencar tota discutida aciu dessús (empaichar tota critica objectiva com ac podem hàser uèi deth crestianisme, deth judaisme o de tota religion o credença que sia).

Jo que soi occitan, e considerii l'islam actuau(possible que pòt evoluïr dab ua reforma coratjosa que totes esperam) com ua mena de jacobinisme dera religion (la "dhimmitud" taus autes que deven taise's o desapareisher)com eth centralisme francés dens l'espaci linguistic(amudir las autas lengas, dhimittud lingüistica).
L'islam qu'èi nat ua raça, nat ua etnia, tan com eth crestianisme o eth boddisme son nat raças ni etnias tanpòc,mes ua religion, un sistèma de credenças o de pensadas, qui deu acceptar era critica er' exegèsi dens era serenitat com eras autas religions an acabat d'ac hàser.
Sustot que vívem en democracia.
I a era de tribalh de har en çà deth costat der'islam dempuish qu'eras vias dera"Ijtihad*" e son estadas barradas dens la version ortodòxa dominanta que demòra.
Shens "aggiornamenta , eth món que non poderà e coneisher era Patz.

*Era "refòrma" qu'èi estada estancada après deras tentativas deths motazilis, ua barnca de l'islam de hicar mei de racionalisme dens era religion e fin finau condemnada tar'islam ortodòx.

Administrator le 02/06/2009
Responsa a Castetarbés.

Qu'ei extraordinari de véder qu'avem en Occident tantes de bons coneishedors de l'islam.

Ara, l'islam, plan solide, "que deu acceptar la critica". Mes quina critica? La d'especialistas exteriors autoproclamats?

Acceptam, nosautes, las criticas portadas au modèle occidentau per ua partida deus musulmans, o peus chinés o peus japonés? N'ac crei pas. E vòu díser que son eishenjas de tota pertinéncia?

Puishque'm serveishes lo plat vinagrós acostumat de l'islamofobia, concèpte inventat per Khomeiny, que'm diseràs bahida quin se ditz "islamofobia" en farsi.

E açò tanben n'ei pas mau: "L'islam n'ei pas nada raça". E alavetz? Los alemands ne son pas nada raça tanpòc, mes se ne cau pas aperar "racistas" los qui n'aiman pas los alemands, quin los cau aperar? As un mot?

Qu'èi ua novèla entà tu: la nocion de "raça" qu'ei considerada au dia de uei com eishenja de valor scientifica:
http://fr.wikipedia.org/wiki/Race_humaine#Le_refus_et_l.27abandon_ de_la_notion_de_race
E cau, en seguint la toa logica, considerar que lo racisme n'existeish pas?

Mes deishem aquò. Fin finala, la toa reaccion n'èra pas, bessè, ua responsa a l'article, puishque n'a pas guaire de rapòrt dab lo subjècte, qui èra la denóncia d'un racisme light, "a critica de l'Islam qu'a pres la plaça de la critica deus arabes", com ei dit dens l'article.

castetarbés le 03/06/2009

L'esper qu'èi de véder qu'eth islam accepta ua critica de l'interior que non vién nat peth moment com era critica era viénguda deth interior deth occident peth crestianisme (e qu'èi pas tostemps ganhat quan védem quauques crestians "pro-life" que van enquera de tuar taus Estats-Units).
Com ac avèva jà dit, i agóc ua critica qui viénóc deth interior deth islam e que s'apèrava l'"ijtihad" dab ua volontat d'introdusir quauques elements de racionalitat e d'umanitat, totun er'experiénça que hasquóc braca e shens aviéner (eths qu'an volut e cambiar quauquarren qu'an de còps coneishut eth hiu de l'espada).
Plan segur que i a de monde mauintencionats qu'aprofiten d'açò entà estigmatizar eths arabs, més, que cau destriar era cultura araba e eths arabs que non vólen nat estar redusits sonqu'a ua religion ed a un culte (que con.hón estat, lei e religion mei que tota forma de religion dens eth món,eth islam tardicionau qu'èi din+dunia+dawla= religion+estat+lei nat de qué regaudi's nat laïcitat dens aquesta amira que vòu e redusir chic a chic eth espaci deras libertats).
Totun que'm pensi que si eths intelectuaus deth món arabi non pòden trobar era debuta d'un sostién actiu, aciu, en Occident, era malautia der'islam (sexisme,intoleréncia, omofobia, antisemitisme...) plan descriuta ta' un Abdelwahab Meddeb* e s desvoloparà e s'intereisharà a nosaus e redusirà eras nostas libertats com a jà començat de redusir considerablament eras deths que militan tath desvolopament d'ua societat uberta en Orient (eth poeta sirian Adonis ac disèva hèra plan, eth Naguib Mahfoz tanben e d'autes...).
Qu'èm pas sortits deths trigós deth catoliscisme d'autes còps tad entrar tornaméi dens de naveths trigós piégers ed ua incredible arrenavida deth concepte de "blasfèm", hilh de p... nat arren a hàser deras originas etnicas deths que manifestan entà estar arrespectats, era libertat de díser e de publicar no's pòt nat negociar, quau que sian.
Quan a era definicion der'islamofòbia en farsi que cau saber qu'era traduccion literau vién efectivament deras arradics grèc e que eths manlhèus existen dens totas eras lengas, que cau léger eths libes deth Ajatollah que son hèra instructius que sabèva çò que volèva.
Que soi nat un especialista , qu'èi léjut e viatjat qu'èi tot , e qu'èi coneishut un shinhau aqueste món en esper de cambiaments que contunhan d'esperlonga's, qu'm libres de nat vóler arren véder, jo que soi nat rassegurat de véder com eths eveniments e's dabanan.
Nat arren deths racistas soft o hard qu'existen deths dus costats de l'escac, totun, quan eths presics e disen que i aci ua vertat e aulhors la maucredença com dautes còps n'i avèva que disèva que aciu i era classa sociau que cau , la raça que cau o la religion que cau...o la lenga que cau, que dísi nàni.`
Que cau ac díser shens adirança , shens òdi, non pas véder aqúò qu'èi condemnar eths que volen cambiar quauquarren en dehòra deras nostas societats a maugrat de tot un drin mei libres.
Eth espèr existeish tostemps , eth pièger que non èi pas tostemp segur...
Adishatz, amistat ed arrespèct tostemps.

*"La Maladie de l'Islam".

Administrator le 03/06/2009
Mercés peus tons explics.

Qu'aurí hèra a díser enqüèra, e tu tanben solide. Se n'ès d'acòrd, que't prepausi d'ac deishar ací.

Mercés enqüèra d'estar intervienut.

Hèra coraument