Mei de la mieitat deu roman de lejuda, e impossible de sasir ua entriga, ua direccion.

Que comprenem que "lo Maquinaire", lo personatge principau - narrator ei l'eretèr d'ua grana familha de la Lana, mes ne sabem pas enqüèra on ei lo son eretatge : "Qu'avem vendut lo Barralh", ce disè la terribla frasa deu "Gojat de Noveme", dont aqueste roman e's vòu ua seguida.

Un passatge que balha l'anar deu roman : que n'i a mei de non pas dit que de dit : qu'èm davant un navèth genre de roman, lo "roman allusiu" !

Per exemple, a la p. 70 : "Pus, que parlè de l'aute ivèrn : "Quan t'aví nhacat, sas, a la cueisha, m'avès pas pelat [trucat]... Que sui un can, pas verai ?... Es pas com lo dont [qui] avès coneishut, au Barralh..." Shens saber que Manciet èra omosexuau (e n'ac digó pas jamei), qu'ei impossible de compréner las implicacions de la darrèra frasa. Que las podem devinar, mes entà har la causa mei mauaisidas, a las pp. 60-63 qu'avem ua scèna dab ua Madelena dont se pòt pensar qu'ei ua scèna d'amor. La Madelena qu'a totun ua desencusa entà anar véder lo Maquinaire, qu'a quauquarren a'u díser : "De çò que m'èra vienuda previéner ?" Dotze paginas mei endavant, n'ac sabem pas enqüèra. D'aulhors, ne s'i parla pas mei de la Madelena, e tau com ei l'anar deu roman que'ns demandam se n'enteneram enqüèra a parlar.

Se's pòt devinar la luta ideologica deu moment istoric (lo combat enter "rois" e conservators catolics), d'autas allusions istorics que pòden estar pesugas : "soldats senegalés dab la chechià" (que son de fèit soldats senegalés qui estón enviat tà las Lanas entà reprimir las revòltas de mieitadèrs) o "curès qui refusan de sacrar" (compréner : "de jurar". E ací qu'èm renviats en ua frasa a la Revolucion francesa : que s'ageish deus "prêtres réfractaires" qui passavan tà 'Spanha. Com "sacrar" dab lo sens de "jurar" n'ei pas suu Palay, qui ac pòt devinar ?).

E puish que i a allusions au monde de la Lana, a las lors istoèras, aus secrets de familhas. Tandas allusions qui lo legedor mei planvolent (per'mor que voi totun créder que planvolent, que'n soi) e feneish descoratjat. Qu'aurà lejut "La pluja", qu'aurà comprés lo sens d'un 80 % deus mots, mes pas lo sens deu roman...

Commentaires (3)

Joan.Peiroton le 18/07/2010

 A, vedes plan qu'ua version bilingüa mancietés-occitan que'ns haré hreita! lol Totun, m'agrada la pròsa de Manciet que liegi e torni de liéger shens cès, dab l'espèr d'ac poder compréner tot "un bèth dia".

Renaud le 27/08/2010

 De tot biaish, lo roman qu'es simple; que plau, lo maquinaire qu'es trempe, que plau, que s'estupa, qu'es la sombrusta, qu'es la sombrusta, tau o tau hemna e plora, que plora, que demanda perqué a Diu, e puish,ne'n podí pas mei, qu'èi arrestat !

JFB le 02/11/2010

 Aquera "Pluja" estot ende jo lo men roman iniciatic au gascon. O torni liéger un o dus còps per an. N'estoi pas jamei segur que i avosse ua intriga. Mei importanta ende jo ei la musica de la lengua.

Ecrire un commentaire

Articles Discussion . Blogs Discussion

DERNIERS ARTICLES :
Enquèstas lingüisticas boharòcas
La darrèra enquista lingüistica, la qui estó comanditada per l'ÒPLO, qu'ei parescuda: https://www.ofici-occitan.eu/fr/restitution-des-resultats-de-lenquete-sociolinguisti
Çò qui avem a apréner deu sarde
Aquestes torns, que m'interèssi au sarde; d'aulhors, los legedors d'aqueste blòg que's son poduts avisar que l'èi citat dus còps recentament, dens l'article suus francism
Lo gascon n'ei pas ua lenga "bascolatina"
Non i a guaire, La République des Pyrénées que reportava un escambi mordent enter Joan Salas-Lostau e Gilabèrt Nariòo, a prepaus de la lenga nosta. Joan Salas-Lostau qu'a
Francismes e francismes
Qu'ei un debat qui's hasó aulhors, quasi ua controvèrsia: e i a francismes qui poscam adméter ? Ne parli pas deus francismes hèits espontanèament peus qui n'an pas enqüèr
Per Aulouroû y Biarn - Yan de Sègues
N'ei pas tot dia qui legi un libe editat per l'IBG. Qu'an hèit quauques reedicions d'òbras de felibres de l'Escòla Gaston Febus qui se n'ac valen: Esprabes d'amou, de Jul

DECOUVRIR D'AUTRES BLOGS : www.artvitrailmenard.fr
apac vendee
simplementmimilgr
moimyself
leblogdenicolette
marie-fb
lemondevirtueldesandy
lepetitmondedemartine

Annuaire de blogs
Aide Centerblog
Signaler un abus